|
Good evening.
. مساء الخَير
عادةً بحضِّر شي قولو, بس هالسنة ما كان معي وقت, فَرح إحكي شي منّي محضّرو. بس
.اسمحولي خبّركُم شويّ عن "أنفه.كوم"و
لمّا كنّا ببلادنا كنّا نِقرا ونسمَع إنّو المدارس والمؤسّسات التعليميّة هيّي مرايا المُجتَمع, والمجتمع
الّي مدارسه ومؤسّساته التعليميّة خِربانه هو مجتَمع خربان, وإنّو لازم مدارِسنا التعليميّة تكون
متفوّ قة لأنّو متل مَكنّا نقرا إنو مجتَمعنا متفوّق. بس لمّا كنّا نتطلّع كنّا نشوف إنّو مدارِسنا الرسميّة
خربانِه: كراسي التلاميذ مكَسَّره, الحيطان عَم بِتنشّ, والحمّامات بطّلِت حمّامات فيه يفوت علَيها
بَشر. ولمّا كنّا ببلادنا كمان كنّا نِقرا ونسمَع إنّو العجَزة والفقَرا لازِم المُجتمع يهتَم فيهم, ولمّا كنّا
نتطلّع كنّا نشوف مستوصَفات عَم بِتسكِّر وناس عَم بِتموت عَأبوب المستشفَيات. وكنّا حابّين نغيّر
كلّ هالشي بَس مَا كان يطلَع بإيدنا. ولمّا جِينا لَهَون, تعلّمنا واشتَغلنا وشفنا الأحباب متِل
حضراتكُم يلّي بشاركونا نفس الرؤيَه, اتطلّعنا ببلادنا وقلْنا بدنا نغيِّر,
بسّ هلّأ صار يطلَع بإيدنا
وإسّسنا "أنفه.كوم" بشباط 2001, أنا وخيّي زياد جريج. ومباشرةً, أحبة متل ميشال ساسين
وجورج جرَيج وحضراتكم كلّكُم, إجوا وشجّعونا بِدون مانِطلُب منهم
وعملنا أوّل حفلة بشباط 2002, بَس قبل ما نِعمُل الحفلة, كنّا نحنا من اوّل المساهمين بمراتون
تحت الريح بأنفه - يلّي تجمّع
عدد كبير من الناس على رأس القلعة تيحضروه. نحنا
فعلاً كنّا
[الراعي الأساسي], أمّا مُنظّم النشاط كان جمعيّة
أصدقاء البحر
برئاسة الإستاذ حافظ جرَيج, وإبنه ريّان هلّأ هون ضيف معنا
وعملنا أوّل حفلة - ومتل ماسبقت وحكيت: حبّينا نغيّر- وبعتنا 4500$ للمدارس الرسميّة بأنفه
لعمّروا حمّامات بمدرسة البنات وجهّزوا المختبَر بمدرسة جبران مكاري بالإضافة لأمور أخرى
وعملنا الحفلة التانية السنة الماضية, وكان ريعها لتوسيع "بيت الرعيّة", وكانت الحفلة كمانَ
إنطلاقة لحملة التبرّعات. وبهمّة الإستاذ ميشال ساسين, قدرنا نِجمَع حوالي
[22,000$] أُرسِلوا
إلى أنفه, والعمَل بالمشروع ماشي وبعتقد كلّكُم شفتوا الصوَر
وهالسنة وبما أنو مجلس الرعيّة الحالي أعاد العَمل بالمستَوصف, حبّينا يكون ريع هالحفلة
لدعم المستوصف حتّى يشتروا أدوية ومعدّات لازمة
هيدا كلّه منيح, لكن أنا بشوف إنّو ضيعتنامتل شخص تعبان - أتعبته الحرب والمشاكل
الإقتصاديّة - ونحنا عم نسِندو. لازم نبطّل نسندو بسّ, لازم نقوّمو لهالشخص التعبان
تيصير منّو عايزنا, لأنّو بكون صار بحالة سليمة لمّا بصير منّو عايزنا
الإتكال عليكُم - خاصّةً أهالي أنفه, خلّونا نعمُل شي مش ليِسنُد الضيعة بس بَل ليقوم بالضيعة
خلّونا نشوف شي مبنى عم يطلَع, شي مَكتبة عامّة, شي مؤسّسة,.... أنا رَح إوقَف هَون,
والإتّكال عأللّه وعليكُم وعلينا
هاني الضيعه
Anfeh.com مؤسّس
2004 - أيار- 15
|
